Герасимовски: Нема толку силни зборови кои можат да ја искажат болката и гневот за прерано згаснатиот живот на Вања
Градоначалникот на општина Центар Горан Герасимовски изрази длабоко сочуство до семејството и бара максимална казна за сторителите.
Тој на својот фејзбук профил напиша:
„Нема толку силни зборови кои можат да ја искажат болката и гневот за прерано згаснатиот живот на Вања. Чувствувам преголема болка. Еден родител не може да доживее ништо пострашно од ова што денеска се случи со Вања. Изразувам длабоко сочувство до семејството и барам максимална казна за сторителите“.
„Утре, од 09:00 часот, на службениот влез на училиштето ,,Јохан Хајнрих - Песталоци" ќе биде отворена книга на жалост. Ги повикуваме блиските и сите граѓани кои сакаат да одадат почит да дојдат да се потпишат. Во моментот менаџментот на училиштето во соработка со повеќе психолози се подготвува за утрешниот ден со цел обезбедување поддршка за учениците и комуникација со нив на начин со кој сите полесно ќе го пребродат овој трагичен настан.
Почивај во мир Вања, ангелче младо. Бог нека ти го осветли патот“, стои во неговата објава.
04.12.2023 - 09:20
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
