Франција ќе испрати брод во потрагата по исчезнатата подморница
Франција ќе испрати брод опремен со најнови технологии за длабоко нуркање за да помогне во операцијата за пребарување и спасување на исчезнатата подморница која носеше туристи до местото на потонатиот „Титаник”, соопшти денеска француската влада.
Со бродот, наречен „Аталанте”, управува Институтот за истражување Ифремер. Ифремер објави дека во понеделникот бил контактиран од американската морнарица со барање за помош.
„Aвтономен робот Виктор 6000, може да се спушти на длабочина од 6.000 метри, над 3.800 метри од локацијата на остатоците“, рече Ифремер, додавајќи дека се очекува бродот да пристигне на местото на потрагата до среда навечер по локално време.
Дополнителни членови на екипажот од друг брод исто така итно се испратени во операцијата за пребарување. Владиниот извор потврди за Ројтерс дека францускиот државјанин, 77-годишниот истражувач Пол-Анри Наргеолет бил меѓу луѓето на исчезнатата подморница.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
