ФОТО: Во Молдавија пронајдени остатоци од руски проектил

Полицијата на Молдавија соопшти дека пронашла остатоци од проектил на северот на земјата неколку часа по синоќешниот ракетен напад врз соседна Украина.

Остатоците од проектилот се пронајдени недалеку од границата со Украина, во селото Ларга, соопшти полицијата во соопштение за медиумите.

Тоа е четврти пат да се најдат остатоци од проектили во Молдавија од почетокот на руската инвазија на крајот на февруари минатата година. Полицијата објави и фотографија од остатоците од проектилот.