ФОТО: Силно невреме во Пробиштип и Куманово, дожд и грмежи се најавени и за Скопје
Силно невреме го погоди Пробиштип и околината во попладневните часови. Истото беше проследено со силен ветер, врнежи од дожд и силен град. Слично е и во соседните градови, како и во Куманово.
Во Куманово, жителите сведочат дека паѓал град со големина на орев.
Засега во Скопје, времето е сончево. Но и во главниот град е најавено дека има услови за невреме.
„Поради насобраната голема енергија во атмосферата и благо зголемената влажност над нашето подрачје, денес во попладневните часови во северните делови ќе има услови за локално невреме со интензивен пороен дожд и електрични празнења, силен ветер (над 70 км/час) и појава на град“, известија од УХМР
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
