Фатена брачна двојка на граница - сакале да „изнесат“ 47 илјади евра, ама не им успеал планот
На 18.07.2023 година околу 20:00 часот на излез од државата на граничниот премин Богородица се пријавило патничко моторно возило со српски регистарски таблици, управувано од српски државјанин. При извршена контрола од страна на царинските службеници во лична ташна на патникот пронајдени се 47 илјади евра за кои не поседувал соодветен документ за потекло, информираат од Царинската управа за „Прес24“.
Согласно Законот за девизно работење, на патникот и неговата сопруга - сопатник во возилото, вратени им се по 10 илјади евра (износ што нерезидент може слободно да го изнесе од државата), а останатите 27 илјади евра привремено се задржани.
Согласно законот за девизно работење и Царинскиот закон поднесено е барање за поведување на прекршочна постапка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
