Ердоган: Турција е подготвена да преземе одговорност за безбедносниот механизам во Газа
Претседателот на Турција, Реџеп Таип Ердоган изјави дека Турција е подготвена да преземе одговорност, во случај да се воспостави регионален безбедносен механизам поради тековните израелски напади врз Газа.
„Сметаме дека е неопходно да се создаде нов безбедносен механизам во соработка со регионалните актери. Турција е подготвена да преземе одговорност доколку се преземе таков чекор“, изјави Ердоган на новинарите по владината седница, пренесува Дејли Сабах.
Тој рече дека Израел извршил злосторства против човештвото во изминатите 25 дена, со поддршка на Соединетите Американски Држави и Европската унија, истакнувајќи дека Турција води разговори за да се осигура дека сторителите на воените злосторства во Газа ќе бидат изведени пред лицето на правдата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
