Четири експлозии одекнаа во Амстердам во текот на ноќта
Во Амстердам во текот на ноќта одекнаа експлозии во четири згради, на најмалку две од нив бил испишан зборот „војна“, а полицијата уапсила двајца осомничени, јави локалната телевизија „АТ5“.
Првата експлозија се случила околу 23.45 часот во станбениот комплекс и неколку прозорци се искршени, а полицијата набгу уапсила двајца осомничени.
Втората експлозија се случила околу 1 часот и го оштетила влезот на зградата, а насилниците на ѕидот го напишале зборот „војна“.
Тој збор сторителите го напишале и на третата зграда, каде што се случила експлозијата околу 3.15 часот.
Полицијата соопшти дека на местото на четвртата експлозија биле оставени експлозиви и дека реагирала Службата за уништување експлозивни направи на Министерството за одбрана, објави „НЛ тајмс“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
