Борел ја повика Русија веднаш да го ослободи Навални

Високиот претставник на Европската унија за надворешна политика и безбедност, Жосеп Борел, денеска ги повика руските власти веднаш да го ослободат опозицискиот политичар Алексеј Навални.

„Европската унија повикува на негово итно и безусловно ослободување“, напиша Борел на Твитер.

Тој изјави дека новата пресуда против Навални е „политички мотивирана“.

„Тоа ја покажува континуираната инструментализација на рускиот правен систем“, напиша Борел.

Судот во Русија денеска го осуди Навални на 19 години затвор под обвинение за екстремизам.