Агелер за ставањето на Камчев на црната листа: „Санкциите ќе влијаат и на оние кои имаат бизнис со него“

Денеска Министерството за финансии го назначи на црната листа бизнисменот Јордан „Орце“ Камчев за корупција, поткуп, перење пари и други кривични дела, информираше преку социјалните мрежи амбасадорката на САД во земјава, Анџела Агелер.

-Овие санкции не влијаат само врз поседувањата и имотот на г-дин Камчев, туку и врз оние кои имаат бизнис со него. САД ќе продолжат да таргетираат корумпирани поединци кои што го поткопуваат владеењето на правото и стабилноста на Северна Македонија. Корупцијата има последици“, напиша амбасадорката Анџела П. Агелер во својата реакција откако САД на црната листа стави уште едно познато лице, овојпат од бизнисот.