Заев: Не очекувам ништо од средбата Пендаровски-Мицкоски, нема зијан од дијалог

Премиерот Зоран Заев не очекува ништо од денешната средба помеѓу претседателот на државата, Стево Пендаровски и лидерот на ВМРО-ДПМНЕ, Христијан Мицкоски.

Според него, добро е што има дијалог и нема зијан од тоа.

-Нема да дојде до помилување на осудените, затоа што законски тоа не е можно. Сепак го поздравувам потегот за дијалог и разговор и нормално после средбата да се споделат заклучоците затоа што средбата е од јавен интерес, истакна Заев.