Во Црна Гора стигнаа кинеските вакцини - ние го добивме капарот
Контингент од 30.000 дози од кинеската вакцина на „Синофарм“ пристигна во Црна Гора.
Вакцините во просториите на Монтефарм ги пречекаа министерот за здравство Јелена Боровиниќ-Бојовиќ и амбасадорот на Кина во Црна Гора Лиу Џин.
Минатата недела започна вакцинацијата на вработените во Клиничкиот центар на Црна Гора (КЦЦГ) кои работат со пациенти кои заболеле од коронавирус, а првата вакцина ја прими министерката за здравство Јелена Боровиниќ-Бојовиќ.
Во Македонија пак пред три дена беше повлечен капарот за кинеските вакцини.Од министерството за здравство известија дека не била усогласена документацијата помеѓу нашето МНР и МНР на Народна Република Кина и велат дека вакцините не се откажани.
„Разговорите се во завршан фаза, не станува збор за откажување на договорот. Вакцините против Ковид-19 од производителот Синофарм во најкус можен рок ќе стигнат во нашата земја“, изјавија тогаш од кабинетот на МЗ Венко Филипче.
Макфакс
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа