ВМРО-ДПМНЕ: Власта со специјалци тепа луѓе на карневал, кои го исмеваат лошото владеење на СДСM

Власта на Заев со специјалци тепа граѓани на карневал, кои преку маски и хумор го исмеваат лошото владеење на СДСМ, реагираат од опозициската ВМРО-ДПМНЕ.

Според партијата, прагот на толеранција кон секоја критика на СДСМ и на Заев е нула.

-Ова денеска во Вевчани беше приказ како функционира тоталитарен режим. Под наредба на Заев денес брутално и насилно стотина специјалци ги тепаше, апсеше и малтретираше граѓаните кои учествуваа на вековниот Вевчански карневал, меѓу кои имаше деца и стари лица. Тоа што не успеале разни поробувачи, во окупации и во комунизмот му успеа на Зоран Заев, да го прекине канревалот со ќотек и апсења. Зоран Заев и полицијата никаде ги немаше кога во Штип славеа на јавен простор и по кафаните функционерите на СДСМ и нивните пајташи, ама затоа се брутални со вевчанци. За Заев не е проблем кога се собираат владините функционери кои кршат мерки и на нив не смее ни да помисли да им прати специјална полиција, но затоа кога се граѓаните во прашање се фаќа за пендракот и удира, велат од ВМРО-ДПМНЕ.

Според партијата, Македонците нема повеќе да го трпат насилието на Заев и за сѐ следува казна.

 

 

 

Добивајте вести на Viber

13.01.2021 - 18:18

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега