ВИДЕО: Поради пожарите дојде до експлозии во магацин за муниција во Грција, луѓето се евакуираат

Пожар избувна во грчката населба Микотребес, што доведе до серија експлозии во складиште за муниција на воздухопловните сили во близина на градот Неа Анхиалос во централниот грчки регион Тесалија.

Според очевидци, експлозиите можеле да се слушнат и до Волос, јавува грчката ЕРТ.

Грчката армија соопшти дека магацинот се наоѓа на околу шест километри северно од воздухопловната база, која била однапред евакуирана.

Нема информации за повредени, а превентивно на населението во околните населени места е наредена евакуација, пренесува АП.

Вкупно пет лица загинаа во пожарите низ Грција, кои се поттикнати од силните ветрови и температурите над 40 степени Целзиусови.

Пожарникарите соопштија дека годинава се пријавени над 500 шумски пожари низ земјава.

Додека летните пожари се вообичаени во Грција, научниците велат дека повисоките температури и сувото време ја претвораат во медитеранско жариште на климатските промени.

Η στιγμή της έκρηξης στην Νέα Αγχίαλο. #βολος #φωτιες pic.twitter.com/9riqbYVlLc

— Nik_Mp (@4r7qjp1C2S4EQZV) July 27, 2023