Србин бегајќи од полиција кај Градско излетал од патот, а возилото се превртело- има повредени

Србин уапсен на излезот кај Градско откако се обидел да изега од полицијата а во своето возило пренесеувал мигранти, по што излетал од патот и возилото се превртело, а две лица биле повредени.

-На 09.04.2021 околу 06.00 часот, на излезот од Градско, полициски службеници од Регионален центар Југ - Полициска станица за граничен надзор Михајлово во координација со ОВР Неготино го лишиле од слобода М.Ф.(23) од Голем Дол, Прешево, Р.Србија, кој управувал патничко возило „мерцедес“, со српски национални ознаки поради сомнение за сторено кривично дело „криумчарење мигранти“, информираат од МВР.

Имено, во 05.30 часот кај клучка Демир Капија, возилото било забележано и на даден знак за сопирање од полициски службеници возилото не застанало, туку ја зголемило брзината и се упатило кон Неготино, а потоа кон Градско. На излезот од Градско М.Ф. изгубил контрола и возилото се превртело.

Покрај возачот, во возилото биле пронајдени 12 лица мигранти. Две од лицата се пренесени во болница во Велес за укажување на лекарска помош. Во врска со настанот лишен од слобода е и Ј.А. од Прешево, кој управувал патничко возило „пасат“, со српски национални ознаки, кој бил претходница.

За настанот е известен Јавен обвинител, а против лицата ќе биде поднесен соодветен поднесок.

 

 

 

Добивајте вести на Viber

09.04.2021 - 11:30

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа