Со мотор излетале од патот – сопатникот со тешки повреди итно пренесен во болница
22-годишник од Гостивар со тешки повреди е пренесен во Ургентниот центар Гостивар откако претходно заедно со 31-годишно лице излетале од патот со својот мотор.
-Вчера во 17.30 часот во полициската станица Гостивар било пријавено дека на регионалниот пат Гостивар-с.Лакавица, четирицикл „јамаха“, без регистарски ознаки, управуван од Б.А.(31) од Гостивар, излетал од патот. Во незгодата со тешки телесни повреди се здобил сопатникот А.А.(22) од Гостивар, а со телесни повреди се здобил возачот Б.А., констатирани во Ургентен центар Гостивар, велат од полицијата.
Увид на местото извршила екипа од Полициската станица Гостивар.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
