Познат идентитот на пратеникот кој зборувал на телефон додека возел- МВР му изрече казна
Мартин Костовски од СДСМ е пратеникот кој заработи казна поради зборување на мобилен телефон додека возел, неофицијално дознава Прес24.
Како што соопшти МВР, полициски службеници денеска му врачиле платен налог на Костовски поради прекшување на Законот за безбедност на сообраќајот на патиштата со тоа што зборувал на мобилен телефон додека го управувал своето возило на патот Куманово-Скопје.
Костовски во минатиот мандат беше директор на Службен весник. По предвремените парламентарни избори тој изјави дека планира да остане пратеник во Собранието. Во Службен весник го замени Татијана Лалчевска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
