Поднесено обвинение против Беливук и 30 лица- познато колкава казна се бара за Беливук и Миjковиќ
Против Вељко Беливук, Марко Миљковиќ и 29 други лица припадници на нивната екипа, денеска Обвинителството за организиран криминал поднесе обвинение, јавуваат српските медиуми.
Во обвинението, обвинителот бара обвинетите Беливук и Миjковиќ да бидат строго казнети и предложи доживотен затвор.
Повеќе од 320 страни со докази и останато обвинение се испратени во судот на потврдување, пренесуваат медиумите.
Во овој момент криминалната екипа е обвинета за пет убиства, нелегално поседување и дистрибуција на оружје и наркотици, киднапирање и силување.
Претходно, полицијата откри ДНК примероци во викендица во Ритопек во машина за мелење месо. Се работи за лица кои се водат за исчезнати, а за кои оправдано постои сомнеж дека се убиени од припадниците на кланот на Беливук.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
