Паднаа потписи: Од МЗШВ велат дека 24 апликанти ќе ја искористат мерката за набавка на силоси

Министерството за земјоделство, шумарство и водостопанство информира дека вупно 24 апликанти ќе ја искористат мерката за финасиска поддршка во набавка на силоси.

-Оваа поддршка доаѓа преку Програмата за рурален развој мерка 121 Инвестиции за модернизација на земјоделски стопанства, односно подмерката 121.9 набавка на силоси, за што во текот на април беше објавен јавен повик од стана на Агенцијата за финасиска поддршка во земјоделството и руралниот развој, кој траеше до 20 мај 2022 година, велат од МЗШВ.

Корисници на оваа мерка се земјоделски стопанства запишани во Единствениот регистар на земјоделски стопанства во Министерството за земјоделство, шумарство и водостопанство, согласно Законот за земјоделство и рурален развој.

Финансиската поддршка е наменета за инвестиции во набавка на силоси за житни и индустриски зрнести култури (јачмен, овес, `рж, тритикале и пченка) во сточарството со максимален капацитет до 25 тони.

Максималниот износ на финансиската поддршка е до 1.000.000 денари по корисник, во форма на кофинансирање до 75 отсто од вкупната вредност на набавката.

Како Министерство, потенцираат оттаму, постојано ги поддржуваме земјоделците во набавка и модернизација на опремата преку повеќе мерки од Програмата за рурален развој. Обезбедивме поддршка за земјоделците, и јавните повици се веќе завршени, преку кои помагаме во набавка на трактори, опрема за производство на тутун и мандри.