Распишан тендер за нов водоснабдителен систем во Долно Количани- се исполнува уште едно ветување
Министерството за транспорт и врски распиша тендер за изградба на водоснабдителен систем на населено место Долно Количани, општина Студеничани. Реализацијата на овој проект практично е исполнување на заложбите кои претседателот на ВМРО-ДПМНЕ Никола Груевски и министерот Владо Мисајловски ги додоа пред граѓаните при посетата на општина Студеничани во август минатата година.
Токму при посетата на Груевски и Мисајловски граѓаните го потенцираа проблемот со водоснабдителен систем. Иако Груевски не вети, тој посочи дека ќе направи се што е во негова моќ да се надмине проблемот.
-Многу внимателно ќе ги разгледаме работите и со градоначалникот на Скопје а ќе го поканиме и градоначалникот на Студеничани кога ќе се врати и со министерот за транспорт и врски и се што можеме да направиме ќе направиме, рече Груевски во Количани во август.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа