Николова: СДСМ за пет години ги зголеми платите во образованието за 36 отсто
Даниела Николова, пратеничка на СДСМ, кажа дека Владата во време на криза се грижи за животниот стандард на граѓаните.
„И во време на светска економска и енергетска криза Владата и институциите предводени од СДСМ се грижат за животниот стандард на сите граѓани. Од овој месец, платата на околу 32.500 вработени во основното и средното образование ќе добијат плата повисока за 15 отсто. Тоа е зголемување во просек од околу 3.000 денари по вработен. Од тие 32.500 лица, околу 25.000 се наставници“, вели Николова.
Од преземањето на власта од страна на СДСМ, платите во образованието за четири години пораснаа за 21 отсто, кажа пратеничката на СДСМ.
„Со последното зголемување, за само пет години платите во овој сектор се зголемуваат за 36 отсто, односно за една третина повеќе во однос на 2017 година. Покрај во човечкиот фактор, сериозно вложуваме во подобрување на условите за работа на наставниот кадар. Досега, реконструирани и изградени над 80 основни и средни училишта. Тоа е вистинска грижа учениците, за наставниците и за образовниот систем.
СДСМ продолжува да инвестира во образовниот систем, продолжуваме да се грижиме за животниот стандард на сите граѓани“, вели таа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
