Нема крај: Цените на бензините и натаму ќе растат - ќе плаќаме ли над 100 денари за литар?

Цената на барел нафта на лондонската берза повторно се зголеми и сега изнесува 111 долари, додека вчера истата чинеше 106 долари.

Расте цената и на американскиот пазар и таму барел нафта чини 108 долари, додека вчера чинеше 103 долари.

Се очекува нафтата и понатаму да расте поради најновите санкции кон Русија.

Зголемувањето на цените се должи на повисокиот курс на доларот во однос на денарот, но и растот на нафтата на светските берзи.  Случувањата во Украина и Русија, предизвикаа курсот на доларот во однос на денарот изминативе 2 месеци да бележи постојан раст, што прави силен притисок врз формирањето на малопродажните цени на нафтените деривати, велат од Регулаторната Комисија. 

Тоа за нас значи дека малопродажните цени на горивата и натаму ќе растат. 

Во моментов бензините чинат 88,5 односно 90,5 денари по литар а дизелот се точи за 90 денари.