Милошоски и ВМРО-ДПМНЕ утре ќе одлучат дали ќе поднесат кривична против Адеми
Пратеникот Антонијо Милошоски по денешниот инцидент во кој пратеникот Арбр Адеми почна да фрла со предмети по пратениците, рече дека Адеми почнал насилно да се однесува кога тие сакале да се разговара за заклучоците на Европскиот совет од Брисел.
-По утрешната координација со нашата пратеничка група ќе видиме дали да поднесеме кривична пријава. Ќе консултираме и повешти во таа област. Според она што се случи со Џафери и Етичкиот кодекст, таа недопирливост е причина што си го дозволуваат ова, рече Милошоски.
Тој додаде дека Адеми се расекол кога го кинел уредот за говорење, а со филџанот го погодил Елми Азири од Алијанса за Албанците.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
