Мицкоски: Заев не може да си обезбеди иднина себеси, камоли на Македонија
Зоран Заев не може себеси да си обезбеди иднина, а не па на народот, порача на денешниот протест опозицискиот лидер Христијан Мицкоски. Вели дека тој водел битка за зачувување на фотељата, наместо битка за народот.
-Ова е битка на еден човек наспроти пријателството на два народи. Овде проблемот е Зоран Заев и неговото отсуство на кичма. Заев е подготвен ја плати секоја цена. Ама тоа ако може да го плати со туѓи синови и ќерки и на туѓ грб само за да ја спаси својата кариера. А, таа кариера нему му обезбедува власт и пари, рече Мицкоски.
Вели дека сѐ што кажал Мицкоски во интервјуто за БГНес е откажување од антифашистичките историја на Македонија.
Тој рече дека Заев подготвува национален пораз, а народот треба да се одважи и да се спротивстави.
-Ако во овие часови, денови, не излеземе и не се спротивставиме ќе биде предоцна. Ако сега не излеземе и дадеме отпор подоцна ќе немаме право да велиме „зошто не ги променивме работите?“. Сега може и затоа е потребен секој еден од вас. Сега за да не биде предоцна, рече Мицкоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа