Медведев: Секој упад на Крим ќе биде објава на војна на Русија
Поранешниот руски претседател Дмитриј Медведев изјави дека секој упад на полуостровот Крим од страна на земја-членка на НАТО може да значи објавување војна на Русија, што може да доведе до трета светска војна.
„За нас, Крим е дел од Русија“, изјавил Медведев.
„А ако една земја-членка на НАТО го прави тоа, тоа значи конфликт со целата Северноатлантска алијанса. Трета светска војна. Целосна катастрофа“, кажал Медведев, сега заменик-претседател на Советот за безбедност на Русија.
Тој исто така додал дека доколку Финска и Шведска се приклучат на НАТО, тие ќе ги зајакнат своите граници и ќе бидат подготвени за одмазда, а тоа би можело да ја вклучи можноста за поставување хиперсонични ракети Искандер на нивниот праг.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа