Маж скрил 59.000 евра во чорапи и се обидел да ја премине границата во Србија

 

На граничниот премин Прешево во Србија спречен е обид за шверц на 59.000 евра, кои 55-годишен возач на „бмв“ ги скрил во неколку чорапи складирани во неговиот багаж.

Мажот патувал од Германија до Грција и рекол дека нема што да пријави, соопшти Царинската управа во Србија. Царинските службеници го прегледале возилото и на задното седиште пронашле торба со лични предмети, меѓу кои и чифт чорапи полни со евробанкноти.

Дел од парите скрил и во џебот од панталоните. Од 59.000 евра, на човекот му се вратени дозволените 10.000 евра, кои може да се префрлат преку граница без пријавување. Надлежниот суд ќе одлучи што ќе прави со остатокот од парите во прекршочната постапка.

 

25.11.2022 - 17:57

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа