Кочовски од Левица порача да престанат да му се закануваат преку социјална мрежи

Членот на ЦК на Левица Бобан Кочовски и неговиот адвокат Драган Пешевски  денеска биле повикани на распит во Основното Јавно  обвинителствово Велес во улога на сведок-оштетен поради закани по неговото здравје и живот од страна на, според нив, одредени центри на моќ во земјава.

Кочовски во март  годинава поднел пријава во СВР –Велес поради континуираните закани по неговото здравје и живот кој ги добивал преку социјалните мрежи, а поради неговиот ангажман во Левица.

-Се однесува на едно физичко лице кој заканите ги прави на фејсбук. Ова го прави одредени структура за што ќе оставам самите да претпоставите, која е. Тој  прави се’ да ми наштети мене и на моето семејство, поради мојот ангажман во борбата за подобри работнички права од страна на Левица, потенцира Кочовски.

Појасни дека станува збор за кривична постапка во која одредено лице кое тој лично не го познава, а  кој  му се закани дека ќе го убие и ќе му наштети на неговото здравје, Заканите на фејсбук  траеле до 1 март.

-Дали тоа беа само закани  или  негови вистински желби и идеи и дали тоа навистина можеше да го направи  јас не би можел да знам,но затоа пријавив во МВР, а денеска дадов и  исказ пред јавниот обвинител во Велес, појасни Кочовски.

Додаде дека незнае како ќе се одвива самата постапка но  им порача на овие структури дека тој со овие нивни постапки само може да биде помотивиран и поупорен во борбата против нивните криминали. 

 

 

 

Добивајте вести на Viber

29.09.2020 - 14:48

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега