Гутереш пристигна во Украина, ќе има средба со Зеленски и со Ердоган

Антонио Гутереш – генералниот секретар на ОН денеска пристигна во Лавов, каде утре ќе учествува на трилатерална средба со претседателите на Украина, Владимир Зеленски и претседателите на Турција, Реџеп Таип Ердоган, пренесува Укринформ, повикувајќи се на соопштението на портпаролот на ОН на Твитер.

Портпаролот на генералниот секретар, Стефан Дужарик денеска на брифинг за медиумите најави дека Гутереш доаѓа во Украина на покана на претседателот Зеленски.

Како што претходно објави Укринформ, Гутереш ќе го посети црноморското пристаниште Одеса, од кое продолжи извозот на жито во согласност со претходниот договор со посредство на ОН и Турција.

Пред да се врати во Њујорк, генералниот секретар на ОН ќе го посети Заедничкиот координативен центар во Истанбул, кој беше формиран за спроведување на иницијативата договорена минатиот месец.