Бајден: До крајот на мај ќе имаме доволно вакцини

Американскиот претседател, Џо Бајден, рече дека САД ќе имаат доволно вакцини против коронавирусот за сите возрасни Американци до крајот на мај.

Според Министерството за здравство, партнерството меѓу производителите на лекови, како и другите чекори што ги презеде владата, ќе ѝ овозможат на компанијата за вакцини да ја забрза испораката на 100 милиони дози за речиси еден месец.

„Една од работите што дознав кога ја презедов функцијата е дека ‘Џонсон и Џонсон’ заостанува во производството. Едноставно, вакцината не доаѓаше доволно бргу. Така, мојот тим работеше напорно за да ги забрза овие напори“, рече Бајден.

Американскиот претседател се надева дека САД ќе се вратат во нормала ова време в година, можеби и порано.

„Тоа зависи дали луѓето продолжуваат да бидат паметни и дали разбираат дека сè уште можеме да имаме значителни загуби“, рече тој.

Макфакс

 

 

 

Добивајте вести на Viber

03.03.2021 - 13:00

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа